即上英超刨績王：http://win.on.cc/epl
英超補賽今晨上演嘅例行公事，由修鹹頓主場對曼聯，雖然「紅魔鬼」今場大部份時間處於下風，但多得頂替迪基亞出任正選嘅阿根廷門將羅美路，全場左飛右撲屨救險球，就連開賽6分鐘嘅12碼都畀佢撲出，結果曼聯成功錄得今季第15場和波，以0比0守和修鹹頓。睇完今場羅美路演出，相信曼聯主帥莫連奴都可以放心，呢位30歲門將對於歐霸決賽已經做好準備啦！
曼聯已經鐵定會以第6名結束今個英超球季，「寸王」今場冇曬壓力，自然選擇為歐霸盃留力，收起部份主力出擊，其中羅美路已經被欽點會喺歐霸盃決賽打正選，今場自然係考驗佢狀態同實力嘅好機會。好彩係呢位阿根廷國家隊正選門將果然有真材實料，除咗早段救出加比亞甸尼嘅12碼外，換邊後初段麵對諸如杜辛泰迪治嘅罰球勁射，以及禾特普斯嘅禁區外冷箭等，都一一化解，盡顯實力，似乎佢係想要莫帥無後顧之憂。
至於「紅魔鬼」前場今場由安東尼馬迪爾掛帥，朗尼喺中場校炮，全場埋門中目標冇乜，最接近係72分鐘馬迪爾嘅禁區邊熨射，僅僅中柱彈出，始終入唔到波，最終雙方互交白卷收場，莫連奴亦肯定會喺佢首個球季錄得嘅勝仗，將會少過佢兩位前任包括尹戈爾同莫耶斯，唔知球迷收唔收貨呢？
東網體育同你追實體壇每個精彩時刻！
http://bit.ly/2ecTF2A
原文地址：http://hk.on.cc/hk/bkn/cnt/sport/20170518/bkn-20170518043555771-0518_00882_001.html
